Apirilaren 17an, ortziralean, asfaltatze lanak eginen dituzte NA-1210-1 errepidearen 19. kilometroan (Mugairiko piszifaktoriaren inguruetan) eta N-121-Atik N-121-Brat doan irteeran, hau da, Sunbillatik, Elizondoko norabidean, Oieregiko tunela pasa eta gero. Obrak egin ahal izateko, bai Malerrekatik baita Bortzirietatik N-121B alderat doazen bidaiariei, Narbartetik emanen zaie bidea, Oronoz-Mugairi aldera. Oronoz-Mugairi igaro eta Askapen elkartuko dira N-121-B errepidearekin.
Kontu izan, Narbarteko irteera hartzen ez duenak, Berroetako irteeraraino joan beharko duela norabide aldaketa egiteko.
Lanek ortziralean 07:30ean hasi eta 20:00 arte iraunen dute. Tarteka auto ilarak sortzea aurreikusi dute, horregatik lasaitasuna eta bidaiatu behar duten gidariei, garaiz ateratzea eskertuko zaie.
Obrak Nafarroako Herri-lan eta Azpiegitura departamentuaren Oronoz-Mugairiko zainketa zerbitzuak sustatu ditu, Mariezcurrena eraikuntzak enpresaren bidez.