Francisco Joaquin de Iriarte zahar etxea kudeatzen duen IDEA enpresaren errekurtsoa ez du onartu Nafarroako Auzitegi Nagusiak
Baztango Udalaren eta Francisco Joaquin de Iriarte zahar etxea kudeatzen duen Innovación y Desarrolo Asistencial SL (IDEA) enpresaren artean urteko kontuei buruzko auzibidea irekita dago. 2019ko apirilean Nafarroako Auzitegi Nagusiak udalaren aldeko epaia eman zuen, ondotik IDEAk errekurritu zuena. Ilbeltzaren 28an argitaratutako epaiak IDEAren helegitea ez du onartu eta, beraz, Baztango Udalaren aldeko epaia behin betikoa da.
Horren ondorioz, 2013, 2014 eta 2015 urteko kontuengatik Balleko Etxeari 62.000 euro inguru itzuli beharko dizkio enpresak. Zehazki 2013ko 14.734,16 euro, 2014ko 19.434,90 euro eta 2015eko 27.966,44 euro zor dizkio IDEAk Baztango Udalari.
2016an eta 2017an ere zor
Aldi berean 2016 eta 2017ko kontuak erreklamatu dizkio Baztango Udalak, 34.012,69 eta 16.453,63 euro, hurrenez hurren. Erreklamazioa 2019ko maiatzean egin zuen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.