2014ko uholdeek erabat kaltetua utzi zuten Elizondoko futbol-zelaia eta geroztik, auzolanean hainbat lan eginez, moldatu dira partidak jokatzeko. Lan horiek, ordea, ez dira aski izan arazoari behin betiko irtenbidea emateko, putzuak noiznahi sortu izan baitira. Orain, berriz, belar artifizial berria paratu dute zelai osoan eta horrekin batera ura kanporatzeko sistema berria ezarri dute.
Belar artifizial berria paratu dute zelai osoan
16:00etan Baztan futbol taldeko hirugarren mailako taldeak futbol-partida jokatzekoa du eta horren aitzinetik, 15:45 aldera, inaugurazio ekitaldia eginen dute. Baztango udal ordezkariekin eta futbol taldeko kideekin batera, Nafarroako Gobernuko kirol zuzendari ohia eta egungoa gonbidatu dituzte hitzordura, baita Nafarroako Futbol Federazioko lehendakaria ere.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun