Ekitaldi osoan txistulari, akordeoilari, musika banda eta gaita-jotzaileek lagunduta, errege magoen desfilea Zahar Etxean hasi eta Joaldunak buruan zituztela, Santiago karrikatik Artesiaga saltokiaren pareraino ibili ondotik, handik bueltan Jaime Urrutia karrikan goiti Elizondoko plazara itzuli zen. Plazako kioskoan dantzariek ongi etorria eman zieten hiru erregeei eta, segidan, Balleko Etxearen arkupean jarritako jaiotza bizidunean, Erregeek umeen musuak hartu zituzten.
Ekitaldia akitzeko, Elizondoko eta inguruko herrietako merkatariek emandako hainbat produkturekin osatutako saskiak zozketatu zituzten plazan.