Errepidearen zola indartzeko eta birgaitzeko lanak azken asteotan egin dira. Zehazki, N-121-B errepidearen 63. eta 72. kilometroen artean egin dituzte lanak, Gorramendiko bidegurutzetik hasi eta Dantxarineraino, guti gorabehera. N-121-B errepide hau interes orokorreko errepide izendatua du Nafarroako Gobernuak, eta tarte horretan, batez beste, 1.389 ibilgailu ibiltzen dira egunean, horietatik %4 kamioiak dira.
Denboraren joanarekin errepideak zola hondatua zuen, eta hainbat zatitan zoladura altxatua eta zuloekin. Horregatik, zatirik hondatuenetan zola fresatu eta leundu dute eta, gainetik, beroan, 5 zentimetroko nahasketa bituminosoa eman diote. Zoladura berritzeaz gain, itsaspena hobetzeko tratamenduak eman eta zola gainean marrazten diren bide-seinaleak atondu dituzte.
Nafarroako Gobernuak Viaria Aglomerado enpresari esleitu zion proiektua, 779.778,85 euroan. Lanak iraun duten bitartean ez da errepidea erabat moztu behar izan, seinalistek zirkulazioa txandaka antolatzen baitzuten.