Nahiz eta ligan lider bezala akitu, Oizko hirukote gaztea finaletik kanpo gelditu da. Partidari hasiera kaxkarra eman zion eta nahiz eta gero txapelketan zehar erakutsitako joko maila ona eman, azkenean ezin izan zuen garaipena lortu. Iruritarrak berriz, ligako azken jokoan finalerdietan sartu ziren eta orai finaleko txartela lortu dute. Dena den, partida honetako azken jokoa ez da erraz atzenduko, aspaldiko jokorik ikusgarriena eta luzeena jokatu baitzuten.
Bigarren partidan bertze hainbertze gertatu zen. Galdu zuen taldearen azken erreakzioa ez zen nahiko izan partida berdintzeko eta buelta emateko.
Emaitzak
- Oskar Urrutia - Egoitz Prim – Miguel A. Iñarrea, 9
- Ioritz Zelaieta – Aimar Saldias – Iker Bereau, 7
Markagailua: 1-0, 5-1, 5-3, 6-3, 6-5, 8-5, 8-7, 9-7.
- Mikel Mindegia - Manu Irigoien – Joxe M. Salaburu, 9
- Gorka Urtasun – Juan M. Maia – Kaiet Itoiz, 7
Markagailua: 0-1, 2-1, 2-2, 3-2, 3-3, 5-3, 5-4, 6-4, 6-5, 8-5, 8-7, 9-7.
Hortaz, txapelketako azken partidak abenduaren 21ean jokatuko dituzte. Larunbatean 17:00etan hirugarren eta laugarren postua erabakitzeko partida jokatuko dute Gorka Urtasun (Irurita), Juan Mari Maia (Elizondo) eta Kaiet Itoizek (Erratzu), Oizko Ioritz Zelaieta, Aimar Saldias eta Iker Bereauren kontra.
18:00etan final handia jokatuko dute Mikel Mindegia (Arraioz), Manu Irigoien (Erratzu) eta Joxe Mari Salaburuk (Irurita), Iruritako Oskar Urrutia, Egoitz Prim eta Miguel Angel Iñarrearen kontra.
