Lekarozko Melitón zinema-estudioen inaugurazioa eginen dute abenduaren 13an

Ttipi-Ttapa 2019ko abe. 12a, 07:30
Nafarroako lehen zinema-estudioak Lekarozko enpresa-campusean eraiki dituzte.

Ortziralean 11:30ean hasiko den ekitaldian bisita gidatua eginen dute Nafarroako lehen zinema-estudioak ezagutzeko

Abenduaren 13an, ortziralean 11:30ean, Meliton estudioetako zinema-platoak inauguratuko dira Lekarozko enpresa-campusean. Meliton Estudioen aurkezpenean proiektua lagundu duten erakundeak eta Nafarroako industria zinematografikoaren ordezkaritza egonen dira.

Navarra International Film Festival –NIFF– antolatu duen Estudios Melitón-en instalazioetan, prentsarako, komunikabide espezializatuetarako eta gonbidatuetarako bisita gidatua eginen dute. Bisita horretan, Nafarroan eraiki diren lehen zinema-estudioen ezaugarri bereizgarrien berri emanen dute.

Bertzeak bertze, ekitaldian izanen dira Nafarroako Gobernuko Ekonomia eta Enpresa Garapeneko kontseilari Manu Ayerdi; Enpresa Politika, Nazioarteko Proiekzio eta Lan zuzendari nagusi Izaskun Goñi; Lurralde Antolamendu, Etxebizitza, Paisaia eta Proiektu Estrategikoetako bigarren lehendakariorde eta kontseilaria, José María Aierdi; Kultura-Turismo Erakundearen zuzendari nagusi, Maitena Ezkutari, Baztango udal ordezkaritza eta bertze zenbait elkarte eta erakundetako ordezkariak.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun