Baztango Udaleko kultura batzordeak antolatutako hitzordua Arizkunenea kultur etxean izanen da, arratsaldean, 19:00etan. Emanaldiaz gozatzeko ez da sarrerarik erosi beharko.
Emigrazioa eta bazterketari buruzko letrak
Jon Maiaren letrak eta ahotsak Gorka Hermosaren eta Pittiren konposizioekin uztartuz emanaldi ederra eskainiko dute eta, hiru artisten eskutik, ikusleek musikaz haraindi sortutako unibertso propio batean murgiltzeko aukera izanen dute. Kantu eta testuen bidez, emigrazioa eta gizarteko pertsonaia baztertuei buruzko istorioak kontatuko dituzte, «poetika, kritika, umorea eta edertasuna uztartuz, atrezzo eta giro bakan batean aurkeztutakoak».