Ortzirale arratsaldeko seietan Ostiz inguruan gertatu da istripua. Bi ibilgailuen arteko aurrez aurreko kolpe gogorraren ondorioz, Baztan aldera heldu ziren 78 eta 51 urteko ama alabak hil egin dira, eta Iruñe aldera joaki zen autoaren barnekoak, 74 eta 73 urteko senar-emazteak eta azken honen 65 urteko ahizpak zauriak dituzte. Istripuaren nondik-norakoen ikerketa Foruzaingoak hartu du beregain. Hildakoen gorpuak Iruñera eraman dituzte autopsia egiteko.