Azaroaren 15ean eta 16an Elizondoko Antxitonea trinketean I. Onenak Torneoa jokatu zuten. Zenbait txapelketetan onenak izan ziren palistak bildu zituen txapelketak. Guztira zortzi lagun (lau bikote) lehiatu ziren. Amestoy eta Bergerot izan ziren txapeldun, final lehiatu eta ikusgarrian, Huarte eta Baylonen aurka 40-35 irabazita. Sariak banatu ondotik, Katy Baylon omendu zuten, Antxitonean jokatzen egin duen ia lau hamarkadako ibilbideagatik.
Lehendabiziko txapelketa horrek jende dezente mugiarazi zuen, bai ortziralean, baita larunbatean ere. Larunbatean sarrera bortz euro ordaindu zuten eta diru hori Txaruta pilota elkarteari emanen zaio. Txapelketari bukaera borobila emateko, mahai inguruan bildu ziren.
Katy Baylonek, trinketean egindako ibilbideagatik, omenaldia jaso zuen. Argazkia: J.M.Ondikol.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.