Artantxuriketan taldea azaroaren 17an izanen da Elizondon

Arizkunenea kultur etxean igandean 19:00etan izanen da saioa eta sarrerarik ez da ordaindu beharko

Baztango Udaleko Kultura Batzordeak antolatuta, Aranoko Maria Jesus Zugarramurdik eta haren hiru alabek –Arantxa, Ainhoa eta Maider Ansak– osatzen duten Artantxuriketan taldeak emanaldia eskainiko du azaroaren 17an, igandean, Elizondon. Arizkunenea kultur etxea izanen dute bilgune eta 19:00etan hasiko da saioa. Laukoteak euskararen ahozko tradizioari buruzko saioa eskainiko du, udalerri nafar eta gipuzkoarretan bildutako kontakizun eta kantak ardatz direla. Sarrerarik ez da ordaindu beharko.