Eguraldi txarra tarteko, jendea plazara joan etorrian ibili zen; gutxi izan arren gelditzera ausartutakoak. Gerturatutako denei ekimenaren berri eman zitzaien eta umeei Lukas panpinaren zeregina zein zen azaldu zitzaien. Bihotzez espero dugu, noizbait, panpina berriz ere herrira bueltatzea; geroz eta jende gehiagoren eskuetan egon, orduan eta bihotz gehiago irekiko baitira hain inportantea den ekimen honetara!
Minbizia duten haurren familiak laguntzeko asmoz, Baztango etxeak alaitzen dabil Lukas panpina
2019ko aza. 11a, 09:30
Badira hilabete batzuk Lukas panpina etxez etxe dabilela lagun berriak egiten. Etxe berri bakoitzean, laguntza pixka bat gehiago jasotzen da minbizia duten haurren familiei laguntzeko. Panpina irribarretsu pasatzen da eskutik eskura eta aukera ezin hobea eskaintzen du, batetik, dirua biltzeko, eta bertzetik, minbizia duten haurren eguneroko bizitzaz zein hauen errealitateaz kontzientzia sortzeko. Pasa den ortzilarean, arratsaldean, panpina Berroetan egon zen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun