Arteka proiektua martxan paratu dute Baztango liburutegi publikoan

Baztango Liburutegi Publikoan ikusgai dauden artelanak etxera ere eraman daitezke, Arteka ekimenaren bidez.

Herriko artisten margolanak eta argazkiak eraman daitezke etxera maileguan, 30 egunerako

Baztango artistek egindako artelanak erakusteko edota mailegatzeko, Arteka proiektua martxan da Baztango liburutegian. Bertako bizitza artistikoa eta kulturala bultzatzeko, Nafarroako liburutegi publikoen txartela dutenek lanak mailega ditzakete 30 egunez, liburuekin edo disklekin egin daitekeen bezalaxe. 

Herriko bizitza artistikoa eta kulturala sustatzeko egitasmoa da. Sonia Lopez liburuzaina kontent dago ekimenak izan duen harrerarekin eta berak dioenez, «erabiltzaileak hasiak dira kuadroak etxera eramaten». Liburutegian dauden lanen artean, Tomas Sobrino, Begoña Durruty, Xabier Mendioroz, Lourdes Arretxea, Diana Iniest, Elisa Muñoz, Xabier Soubelet, Jose Luis Alzugarai, Juan Lamerinas, Lola Sarratea eta Fernando Gorostidiren margolanak eta argazkiak daude.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun