Denera hamalau margolari bildu ziren margo lehiaketaren seigarren edizio honetan (hirugarrena Jose Mari Apezetxearen omenez), Arraioz, Almandoz eta Oronoz-Mugairiko paisaiak beraien oihaletan margotzeko. Zazpi finalisten artean, arestian aipatutakoek lortu zituzten sari nagusiak. Baztango margolariendako saria, berriz, hutsean gelditu zen.
Tomas Sobrino, Juan Carlos Olaetxea eta Xabier Soubelet margolariek, Lekarozen eta Gartzainen mediku izan zen Salvador Martin-Cruz arte kritikoa eta Eduardo Zubikoa Kasinoko presidenteak osatu zuten epaimahaia. Ohikoa denez, Kasinoan egindako bazkari oparoarekin akitu zen lehiaketa.
