Eskaerak aurkezteko epea zabalik da azaroaren 7a arte eta oinarriak web orrialdean eskura daitezke
Udalak Baztango elkarteek 2019an eginen dituzten kultur jardueretarako dirulaguntzak emanen ditu. Deialdi honen helburua, formakuntzak (ikastaroak, hitzaldiak...), sormen-lanak (erakusketak), lan artistikoak edota euskararen erabilerari laguntzen diotenak sustatzea da eta herritar guztiendako irekiak diren jarduerak izan beharko dute.
Betebeharrak
Dirulaguntzak irabazi asmorik gabeko elkarteei bideratuak dira eta gehienez ere kultur jarduerak duen kostuaren %50a jasoko dute.
Azaroaren 7a arte
Interesa dutenek Balleko Etxean bertan aurkeztu beharko dute eskaera, baita gastuen justifikazioa ere. Azaroaren 7a izanen da hondarreko eguna eta dokumentuak astelehenetik ostiralera, 09:00etatik 14:00etara eraman daitezke. Informazio gehiago nahi dutenek deialdi osoa Baztango Udalaren web orrialdean kontsultatu ahal izanen dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.