1950eko edo 60ko hamarkada artio iraun zuen ohitura
Kalabazarik onenak hartu (bertzeak zerriendako izaten baitziren) gaineko puska ireki, eta boneta gisa paratzen zuten. Begien eta ahoaren forma emanik, barnean kandela sartzen zuten. Kontuan hartuz garai horietan ez zegoela farolarik, argitasun polita ematen zuen iluntasunean. Ohitura honek 50eko edo 60ko hamarkada artio iraun zuen Anizen.
Bertako ohiturei eustea helburu
Ikusirik gurea ez den Hallowen bestak bertan errotzeko arriskua baduela, atzerriko ohiturak errotu beharrean bertakoak berreskuratzea pentsatu dute Anizen.
Horretarako, ortzegunean, urriaren 31n, ilunabar aldera haur eta gurasoak bilduko dira.18:00 aldera eginen dute hitzordua. Lehen egiten zen bezala, kalabazak ireki aurpegiaren forma eman eta herrian barna paratuko dituzte.
Lehengo kontuez solastatzeko tartea
Ondotik, zenbait etxetarat joanen dira, adineko jendearekin egonen dira lehengo kontuak aditzen eta bizipen horiek ezagutzen. Eguna akitzeko, su bazterrean istorioak kontari arituko dira gurasoak, kerrenean xingarra erretzen duten bitartean.
Gaueko pertsonaia mitologikoa kontuan hartuz, Eguna egunekoendako eta gaua gauekoendako izena paratuko diote aniztarrek berreskuratu duten ohitura honi.