Iskindegiari buruz Otsondoko lepotik Urdazubi alderako errepide bazterreko hesiak berritu ditu, denera zortzi kilometro. Modu berean, Gorramakil alderdian, artzainek eskaturik aziendendako korlea egin du udalak, batez ere ardiak biltzeko. Lan horiek Migel Maria Rekartek egin ditu eta 26.343,89 euroko kostua izan dute.
Bertzalde, aurten ere kanadiar pasabideak egin dira, lau denera: Gartzaingo Jaimesaltsun –Urballoko bidean-, Bozateko Nahasen eta Beltz errekan; eta Azpilkuetan, Larroingo borda ondoan. Lan horiek eta Erdizeko Pitzamarreko lepotik Komisionatuko lepoko bidearen errepasoa Harri-lanek egin ditu, 40.142,96 eurotan.
Modu berean, Erdizeko Bihotzeko ziloko askaren iturburuan 100 metroko hetsikura egin da; lan hori Lanalekomek egin du, 933,99 euroko kostuarekin.
Bertzalde, egin beharreko lanen idazketa eta obren zuzendaritza Mendikoak egin ditu eta horretarako 3.640,79 euro bideratu dira.