Gurasoekin eta Zuri Negrínekin batera izanen da ortziralean 20:00etan Ernest Lluch Kultur Etxean
Hasier Larretxea idazle arraioztarrak ‘Itzulerako bideak’ emanaldi performatibo literarioa eskainiko du urriaren 18an, ortziralean 20:00etan hasita. Sarrera doan izanen da eta Larretxearen olerki eta idatziekin batera, Patxi Larretxea eta Rosario Gortari aita-amek eta Zuri Negrín senarrak ere parte hartuko dute emanaldian.
Semea, aita, ama, senarra. Poesia, musika, herria, performance-a. Lan hau mugen haustura poetikoa da eta, era berean, mundu, belaunaldi eta diziplina artistikoen uztartze sortzailea.
Emanaldi honetan, gainera, Hasier Larretxeak "Quién diría, qué..." (Pre-Textos argitaletxea) bere poema-liburu berriaren testuak lehenengoz txertatu ditu.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.