Aurkezpenean Nafarroako Gobernuko ordezkariek, Iñigo turralde Baztango Udaleko kirol zinegotziak, ADANOko lehendakari Merche Almiñanak eta Jaime Aguirre, Erremonte Fundazioko zuzendariak parte hartu duten. Gainera, bi kategorietako finalista batzuk izan ziren aurkezpenean: Lehenengo finala jokatuko duten Joxe Javier Etxeberria III.a eta Xanti Uterga doneztebarrak, eta Promozioko finala jokatuko duten Julen Larretxea doneztebarra eta Aimar Saldias oiztarra.
Aurkezpena Iñigo Iturralde zinegotziak hasi zuen eta nabarmendu zuen Baztango Udalarentzat poz handia dela Elizondok Txapelketa honetako finala lehen aldiz antolatzea. Izan ere, azken zazpi edizioetan, 2012tik 2018r, Zubirin jokatu dute.
ADANOko presidenteak final hau antolatzeko lankidetza azpimarratu du, sarreren/dohaintzaren salmentatik aterako den ditu guztia Elkarte honetarako izanen baita.
Aguirrek, Erremonte Fundazioko zuzendariak, poza adierazi du Torneo honetan ADANOrekin berriro kolaboratzeagatik, eta eskerrak eman dizkie, batez ere MAGNA, Fundazioaren jarduera garatzeko emandako babesagatik. Finala lehen aldiz Baztanera eramateko poza nabarmendu nahi izan du, izan ere, hemen beti izan dira erremontistak eta erremontezaleak.
Bi finaletako lau bikotetan eskualdeko erremontelariak
Azkenean bi finalak zein izanen diren jakinarazi zuten: Promozio kategorian Barricart eta Julen Larretxea doneztebarra, Aldabe eta Aimar Saldias oiztarraren kontra ariko dira. Lehen mailan, berriz, Zeberio II.a eta Joxe Jabier Etxeberria III.a, Xanti Uterga doneztebarraren eta Azpirozen kontra
Bi finalak lehiakorrak eta zirraragarriak izanen direla uste dute adituek, eta jende aunitz espero da Malerrekatik. Izan ere, bi finaletako lau bikotetan bada Malerrekako erremontelariren bat. Hortaz, segurua da txapelek eskualdeko bi buru estaliko dituztela. Ortziralean ikusiko da zeinenak diren.
Azkenik, bi gauza nabarmendu nahi izan dituzte: jaialdia Elizondoko Abesbatzaren emanaldiarekin hasiko da, hau ere ADANOrekin lankidetzan; eta bigarrena, sarrerak/dohaintza, 5 eurotan, ADANOko boluntarioek salduko dutela frontoiaren sarreran.