Mezan, bai apaizek, baita Luis Aiciondo eta Bernardette Mihura elkarteko kideek hitz politak eskaini zizkioten omenduari. Hainbat lagun bildu ziren Belaten. Meza akitutakoan ere, baseliza atarian solasean eta argazkiak ikusten aritu ziren. Gero, Almandozko Beola jatetxera joan ziren bazkaltzera. Bazkalondoan, Cristina Arregik, Baztango Santiago Bideko Elkarteko presidente berriak hartu zuen hitza, bere aitzinekoari eskerrak emateko eta gogoratzeko. Ondotik, Belateko Santiago baseliza agertzen den koadro bat oparitu zioten familiari. Koadroa harrian zizelkatu du Cesario Soulek, Pepe Fernandez D’arlasen lagun, bazkide eta laguntzaileak.