Urriak 4, ortziralea
11:00etako ezkilak jo eta altxaferoak botako dituzte, besten hasiera iragartzeko. Herriko musikariak herrian barna ibiliko dira. 11:30ean herri-krosa izanen dute eta 12:00etan frontenis txapelketaren bueltan bilduko dira. 14:00etan bazkari autogestionatua izanen dute. Bazkalondoan, 16:00etan, pala txapelketako finalak jokatuko dituzte. 20:00etan Mutil-dantzak dantzatuta, 21:00etan Baztan zopak janen dituzte. 00:00etatik aitzinera Salaberriren eskutik dantzan ibiltzeko aukera izanen dute. Goizaldean, indarrak berrartzeko, xingar jatea eginen dute. Nahi duenak joan-etorria lasai egiteko aukera izanen du, herriz herri autobusa ibiliko da eta.
Urriak 5, larunbata
Goizez eta arratsaldez (11:30etik eta 15:30etik aitzinera) puzgarriak eta josteta tradizionalak izanen dituzte frontoian. 12:00etan paella lehiaketa hasiko dute, bikoteka. Ondotik, egindako paella eta postrea bazkalduko dute. 16:00etan musean bilduko dira eta 19:00etan txokolatea jateko aukera izanen dute. 21:00etako afariaren aitzinetik eta ondotik, Hauspolariek taldeak girotuko du herria. Goizaldean xingarra janen dute.
Urriak 6, igandea
12:00etan meza izanen dute; ondotik, berriz, bertako produktuekin prestatutako otordua; eta 14:00etan zikiro jatea. 17:00etan bingo txapelketa jokatu ondotik, 19:00etan kantuan ariko dira. Karaokeko parte-hartzaileei Salaberri akordeoilariak hartuko die lekukoa. Xingar jateak ez du hutsik eginen eta suaren bueltan ere kantatzeko aukera izanen dute. Bestak akitzeko herrian barrena karrikaz karrika ibiliko dira.