Amaiurko haurrek bi bertso kantatu zituzten plazan, harrera gisan.Ondotik bi ibildide izan ziren: ttikia karrotxoendako eta eskolara hasiak ez diren hiru haurrek eta beraien amatxok gidaturik. Eta ibilbide luzea, menditik 8 kilometrokoa.
Denak elkartu ziren erditsua, Gezemendiko borda aldean, gosaria egiteko (herritarrek egindako tortillak) eta ttikienek Amaia Elizagoien ipuin kontalaria lagun izan zuten kisulabe batean. Ikasle ohiak ttikienen aurpegiak margotzen ibili ziren. 13:00etan gazteluan elkartu eta ikasle ohiek txistu kontzertua eskaini zuteb. Frontoirako itzulera gaiteoek alaiturik egin zuten
Bazkaria: batzuk autogestionatua egin zuten, bertzeek herriak eskainaitako paella platerkada jan zuten, baita herritarrek egindako postreak eta kafea.
Hamabi lote zozketatu zituzten, eskola duten herri bakoitzaren izenarekin: Urdazubi, Zugarramurdi, Amaiur, Azpilkueta, Erratzu, Arizkun, Lekaroz, Gartzain, Irurita, Arraioz, Oronoz-Mugairi, ZIga eta Almandioz. Sari apartak banatu zituzten.
Musika Ezpeletako trikitilariek eta DJ bordarik paratu zuten.
Zurezko jokoak, Ordokiko zaldiak, rokodromoa, puzgarriak, haurrek nahiz gurasoek egindako herri-kirolak, lasto goratze erakusketa... izan zen non josta!
Akitzeko, Iruritako sotopilek izan zituzten afaltzeko. Heldu den urteko besta antolatzeko lekukoa Iruritak hartu zuen.