Poteoa, bazkaria eta musika
Goiz erdian, 11:00 aldera, poteoa eginen dute herrian barna. 14:30ean karpan elkartuko dira, zikiroa dastatzeko. Bazkalondoan, mahaiaren inguruan lasai egoteko edo kantuan eta dantzan aritzeko tartea izanen dute. Erritmoa markatzeaz Hauspolariek taldea arduratuko da. Besta luzatu nahi dutenek aukera izanen dute, 23:00etan Yurrouz Brothers DJak hartuko baitu lekukoa. Antolatzaileek parte hartzeko gonbidapena luzatu nahi izan dute.
Zikirorako txartelak
Era berean, bazkaltzera joan nahi dutenek txartelak aitzinetik erosi beharko dituztela jakinarazi dute. Herriko ostatuetan paratu dituzte salgai eta 30 euro ordaindu beharko dira.