Zauria(k) proiektua aurkeztera etorriko dira egileak. Eromena, ezinegona eta osasun mentala ikuspegi feminista batetik lantzen duen dokumentala da, sufrimendu psikosoziala eta genero bizipenak urtartzen eta bederatzi emakumeren* errealitateak barne hartzen dituena.
Urriaren 19an tailerra
Hurrengo hitzordua autodefentsa tailerra izanen dute, Emaginen eskutik. Urriaren 19an, hirugarren larunbatean, Elizondoko Arizkunenea kultur etxean bilduko dira, goizez zein arratsaldez, 10:00etan eta 16:00etan zehazki. Parte-hartu nahi dutenek aitzinetik izena eman beharko dute baztangohaizefeminista@gmail.com helbidera idatziz.
Azaroan hitzaldia
Azken saio azaroaren 15ean izanen dute. 'Euskara eta feminismoa: genealogiatik egungo erronketara' hitzaldiaren bueltan bilduko dira. Saioa Iraola izanen da hizlari eta 19:00etan Baztango Gaztetxean bilduko dira.
