Joan den urteko ospakizunaren ildotik, larunbat goizean Almandozko abesbatzak kanta batzuk eskaini zizkion, luntxa hartu zuten eta oroigarriak eta lore-sorta ere eman zizkioten Pakitari eta bazkari batean bildu zen senideekin.
Kamineroen kasetatik Eskaseneara aldatu zen bere familia, ttikia zenean. Gaur egun bi etxeak desagertuak daude. Perotxeneko Juan Oskoz Iñarrearekin ezkondu zen 1950ean eta arestian aipatutako hiru semeak izan zituen. Gaur egun, Almandozen, Elizondon eta Oiartzunen bizi dira, baina ez dute hutsik egin irailaren 21eko ospakizunean.
Indartsu eta osasuntsu dabil Pakita, aunitz urtez!