Behi-azienda piriniotarraren 32. Lehiaketa-enkantea egin dute asteburuan Elizondon

Ttipi-Ttapa 2019ko ira. 23a, 11:01
Behi-azienda piriniotarraren XXXII. lehiaketa-enkantean saritutako abeltzainak, antolatzaile eta laguntzaileekin batera Elizondon. Argazkia: Juan Mari Ondikol

300 azienda-buru aurkeztu dira lehiaketara, 30 ganadutegikoak

Behi-azienda piriniotarraren nazio mailako Lehiaketa-enkanteak 32. edizioa bete du asteburuan Elizondon, Baztango Udalak eta Aspina-Conaspi erakundeak, bertze hainbat babesleren laguntzarekin antolatuta. 30 ganadutegietako 300 abelburu aurkeztu dira lehiaketara, 17 Nafarroatik, Bizkaia eta Gipuzkoatik seina, eta bertze bat Baxenabarretik. Jendetza ibili da Elizondon.

Hamahiru kategoria eta sari bereziak

Baserritar bakoitzak kategoria bakoitzera bi abelburu aurkezten ahal zituen eta lehiaketan parte hartzeko aziendak hamahiru kategoritan sailkatu ziren. Horietatik zazpitan Nafarroako ustiategiak nagusitu ziren, bortzetan Bizkaikoak eta batean Gipuzkoakoa. Baztango zezenkorik onena Erratzuko Juan Jose Iñarreak aurkeztutakoa izan da eta behirik onena, Arraiozko Isabel Laurnagarena. Denera, 81 sari banatu zituzten, horietatik hamaika bereziak.

ZEZENKOAK

  • 12 hilabete artekoak:        1. Isabel Ibarrola (Azoz)
  • 12 eta 24 hilabete artekoak: 1. Dolaetxe elkartea (Oñati)
  • 2 eta 4 urte artekoak: 1. Isabel Ibarrola (Azoz)
  • 4 urtetik goitikoak: 1. Isabel Ibarrola (Azoz)

URRUXAK

  • 8-12 hilabete: 1. Gregorio Iraiola (Arraiz-Orkin)
  • 12-18 hilabete: 1. Jon Koldo Bikandi (Iurreta)
  • 18-24 hilabete: 1. Maria Nela Vittorini (Azoz)
  • 2-3 urte: 1. Maria Nela Vittorini (Azoz)
  • 3-4 urtekoak, umatuak: 1. Gregorio Iraiola (Arraiz-Orkin)
  • 4-6 urtekoak, umatuak: 1. Jon Koldo Bikandi (Iurreta)
  • 6-8 urtekoak, umatuak: 1. Joseba Rekalde (Zeanuri)
  • 8-12 urte artekoak: 1. Jon Koldo Bikandi (Iurreta)
  • 12 urtetik goitikoak: 1. Jon Koldo Bikandi (Iurreta)

Asier Bilbao (Durango), Jon Koldo Bikandi (Iurreta), Angel Mitxelena (Irurita), Garikoitz Nazabal (Zaldibia) eta Isabel Ibarrola (Azoz) abeltzainek aurkeztutako behiek irabazi zituzten ugalkortasunari emandako sariak, bakoitzak bere atalean.

SARI BEREZIAK

  • Azienda bururik onena: Jon Koldo Bikandi (Iurreta)
  • Ernalkuntza artifizialeko arrik onena: Dolaetxea elkartea (Oñati)
  • Ernalkuntza artifizialeko emerik onena: Dolaetxea elkartea (Oñati)
  • Indize genetiko onenak dituen arra: Joseba Rekalde (Zeanuri)
  • Indize genetiko onenak dituen emea: Joseba Rekalde (Zeanuri)
  • Baztango arrik onena: Juan Jose Iñarrea (Erratzu)
  • Baztango emerik onena: Isabel Laurnaga Agerrebere (Arraioz)
  • Ernalkuntza artifizialaren erabilerarik onena: Iñiguez anaiak (Zudaire)
  • Ustiategiaren ugalkortasuna: SC Irigoien Rekarte (Arizkun)
  • Nafarroako Aretxea-INVAC Saria: Carlos Oses (Aizpun) eta SCA Garralda-Zorroza Huarte (Erro)

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun