Aipamen bereziak egin nahi dira: batetik, besta aintzinerat ateratzeko lan egin duten pertsonen borondateari, bai aitzinetik bai egunean bertan: mahaiak jarri, jatordua prestatu eta zerbitzatu zutenei, ostatuan lan egin zutenei, etab. Bertzetik, herri arteko besta izaki, izan den partaidetzari; ekitaldietan jende mordoxka elkartu baitzen. Eta bereziki besta egunean egin bezala, adineko jendeari! Bestak haur, gazte, heldu eta adinduentzat prestatzen baitira, elkartu, egon, dantzatu, mintzatu, gozatu eta ezagutzeko!
III. Basaburua egune ospatu zen Zigan irailaren 1ean. Larunbatean 08:00etan mendi itzulia egiteko hitzordua jarria zen, eta 20 bat lagun elkartu ziren Zigako parajeetan itzulixka egiteko. 10:30ean musaren hitzordua iritsi zen, 16 bikotek parte hartu zuten eta irabazleak berroetar eta aniztar batek osatutako bikotea izan zen. Bigarrenak, almandoztarraz izan ziren. 11:00etan haurren jokuen txanda hasi zen, 25 haur inguru aritu ziren zartain dantza, koxko edo zakuen jokuetan bertzeak bertze. 12:00etan pala finala jokatu zuten eta zigatarrek eraman zuten txapela berroetarren aintzinean. 14:30ean 160 lagun elkartu ziren Zigako plazan jatordua egitera. Ondotik izan ziren boletoen zozketa, baztango zaporeak loteak zozketatu ziren; ezkil jotzea eta Hauspolariek musika taldearen dantzaldia gauerdira arte, tartean indarrak hartzeko xingerra jan zelarik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun