Ibilaldia eta ikuskizuna goizean
Igandean 10:00etan hasiko dute besta. Bertaratzen direnei harrera egin ondotik, 10:30ean, ibilbideetara joko dute. Bi aukera eskainiko dituzte: luzea (bi ordutan egitekoa); eta laburra, 45 minutukoa. Hiru eta zazpi urte bitarteko gaztetxoek, atseden hartu bitartean, Amaia Elizagoienek eskainitako ikuskizunaz gozatzeko aukera izanen dute. Eguraldia lagun bada, Erdiko bideko Gezemendiko bordalean izanen da emanaldia; euria egiten badu, berriz, Otsondo elkartean.
Zozketak eta jolasak
Eguerdian, 13:00etan frontoira joko dute eta bazkari autogestionatua izanen dute. Segidan, zozketa eginen dute. Arratsaldean, ez dute atsedenerako tarterik izanen. Hamaika aukera izanen dituzte: puzgarrietan saltoka ibiliko dira batzuk, zurezko jolasekin bertzeak. Eskalada probatzeko edo zaldian ibiltzeko modua ere izanen dute. Eguna herri-kirol saioarekin akituko dute.