Doneztebeko Bear Zana pilota-plazan jokatu ziren larunbatean finalerdietako itzulerako partidan. Doneztebe Bk (David Mitxeo, Urko Oiarzabal, Erik Garcia eta Eneko Maylin) 6-7 galdu zuen Irurita Bren kontra (Jon Sagaseta, Hodei Aleman Aritz Bikondo eta Julen Urreaga), baina joanekoan Malerrekakoek 5-7 irabazi zutenez, joko batengatik sailkatu dira finalerako.
Bertze finalerdian desoreka handiagoa izan zen. Oizko taldeak (Xuban Illarregi, Mikel Mikelarena, Aimar Ariztegi eta Uxue Illarregi) 1-7 irabazi zion Doneztebe Cri (Oier Apezetxea, Markel Jabalera, Ander Ruiz eta Julen Pikabea). Joaneko partidan ere, Oizen 7-5 nagusitu ziren herritarrak.