66 txirrindulari gaztek parte hartu dute Anizen egindako topaketan

Eskualdeko txirrindulari gaztettoek borzgarren hitzordua izan zuten atzo Anizen. Arratsaldeko lauretatik goiti hasi da jendea hurbiltzen izen ematera, denera 66 haurrek eman zuten izena.

Bizikletan ibiltzera animatu zirenez gain, jende andana ere hurbildu zen ikustera, haurren senideak ez ezik, aniztar gehiexkoenak ere hor ziren lanean ez bazen, animatzen.
 
Bortz ibilbide izan zituzten adinaren arabera: ttipienek gaineko karrikan egin zuten joan-etorria plaxa xaharretik gasnategiraino, handixeagoek kisulabetik barna egin zuten itzulia, bertzeak  Sagardibereko parajetik barna ibili ziren... Anizko xoko desberdinak ezagutzeko aukera izan dute eskualdeko haurrek. 
 
Akabailan, bokadilloa eta Jauregiko jogurta dastatzeko aukera izan zuten guztiek.
Ondoko hitzordua heldu den larunbatean izanen dute Urdazubin.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun