Zein afizio dituen galdetuta aipatu digu: «bertzeak pozik ikusteak egiten nau zoriontsu eta horregatik psikiatrikoan laguntzaile, Arkupeakeko Elizondoko ordezkari... lanetan aritzen naiz». Azken horri lotuta, lan gehixeago izaten omen du ikasturte hasieran, «bidaia batzuk koordinatzeaz arduratzen naiz eta yoga taldean hasi nahi dutenen zerrenda osatzeaz».
Antolatu soilik ez, bere burua zaintzeko ere hartzen du tartea, «yogara joaten naiz asteartetan eta ortzegunetan eta luzaketa ikastaroetara ortzirale goizetan». Batean zein bertzean «hagitz gustura» ibiltzen dela azpimarratu du: «egiten dudana ez da derrigorrezkoa, nahi dudalako egiten dut eta hori da gustura aritzeko sekretua».