Aipatzekoa da, apirilean hasi zela berriz ere martxan Baztandarra Txirrindulari taldea. Anizko zazpi haur ari dira taldean eta erakustunetako bat ere, Iñaki Zelaieta, aniztarra da. Igandeko hitzorduan, eskualdeko herrietako gaztetxoekin batera bizikletan ibiltzeko aukera izanen dute guztiek.
Urdazubin irailaren 14an
Hurrengo larunbatean, irailaren 14an, 16:00etan Urdazubik hartuko du lekukoa. 17:00etan hasiko da topaketa baina aitzinetik, 16:00etan, irekiko da izen-ematea. Topaketaren ondoren partaide guztien artean zozketak eginen dituzte: jokoak, ur bidoiak, janari-poltsak, toallak, kamisetak...
Horrez gain, hiru topaketa edo gehiagotan parte hartu dutenek sari potoloak eskuratzeko aukera izanen dute. Izan ere, hiru bizikleta eta Irrisarri parkerako 18 sarrera zozketatuko dituzte.