Asteburu mugitua izan dute arraioztarrek bestetan. Larunbatean dantza-emanaldia izan zuten eta segidan patata tortilla eta postre lehiaketan bildu ziren. Eneko Karrikaburuk eta Gexan Lazkanok lortu zuten sukaldari onenen titulua, tortilla eta postre gozoekin. Muszaleak mahai-inguruan bildu ziren eta Joxe Mari Otxandorena eta Juan Bautista Agerrebere izan ziren irabazle. Bigarren Periko Zubieta eta Mikel Mindegia izan ziren; hirugarren, Juan Luis Oskoz eta Txus Barrenetxe; eta laugarren, Aritz Alunda eta Garikoitz Larretxea.
Igandean erraldoiak herrian barna ibili ziren. Arratsaldean, berriz, Txamukos taldearen eskutik, mexikar katuez gozatu zuten.
Gaur hondarreko eguna
Arraioztarrek gaur akituko dituzte bestak. Eguerdian haurrendako jolasak izanen dituzte. Ondotik, zikiro jatean bilduko dira eta iluntzean Hauspolariek taldeak girotuko du herria.