Txupinazoarekin eta horma-irudia margotuz abiatu dituzte Arraiozko bestak

Gaztetxoek horma-irudia margotuz hasi dituzte bestak.

Gaur eguerdian, 12:00etan, programako azal lehiaketako irabazle izan diren Ibai Mellado eta Olatz Bergararen eskutik lehertu da Arraiozko bestei hasiera eman dien txupinazoa. Segidan, bestetarako horma-irudia margotu dute gaztetxoek eta jolasez gozatzeko parada izan dute. 14:00etan bazkaria izanen dute eta arratsaldean, 16:00etatik aitzinera, puzgarriak, jolas-txokoak eta apar besta.

19:00etan, Elutxa txaranga lagun, karrikaz karrika ibiliko dira eta ondotik, 20:30ean, mutil-dantzak dantzatuko dituzte. Ohi bezala, Baztan zopak afalduko dituzte eta 00:30etik aitzinera Oharkabek girotuko ditu bazterrak.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun