Lehendabiziko fase honetan kooperatiba zaharra urratu beharko da, amiantoa duen uralitazko teilatua barne. Bertzalde, linea elektrikoa tokiz aldatu behako da eta ingurua eraikuntza fasearekin hasteko prest utzi.
Lanak egiteko bi hilabeteko epea izanen du, eta beranduenez azaroaren 7rako egin beharko dute. Arakanek egindako eskaintzan lanak epea baino hamabortz egun lehenago egiteko konpromisoa hartu du; halaber, kontratazio-pleguan paratutako lanen hiru urteko bermeari bertze bi gehitu dizkio.Kontratazioa prozedura sinplifikatu bidez egin da.
Amaiurko gazteluaren bisitarien etxeko lanen lehenbiziko fasea Nafarroako Parlamentuak emandako 250.000 euroko dirulaguntza izendunarekin finantziatuko du Baztango Udalak. Kopuru horrekin ere oraingo lanen zuzendaritza eta koordinazio lanak, 9.132,98 euroko aurrekontua dutenak, ordainduko dira.