Autoan 5, 10 eta 20 euroko 115 billete faltsu harrapatu zizkieten, guztira 2.000 euro baino gehiago. Billeteok, begi hutsez begiratuta zalantza sor zezaketen arren, faltsuak ziren eta zenbaitetan benetakoak bezala erabiliak izanak dira. Bidaiariek ez zutenez billete horiek norendako ziren zehazterik izan, eta ondorioz, foruzainek, erabilera saihesteko, bildu egin zituzten. Horrez gain, gidariari drogen proba egin zioten eta positibo eman zuen. Momentuan bertan ordaindu zuen 500 euroko isuna.
Azken egunotan Tafallan ere billete faltsuak erabili dituztela salatu dutenez, Foruzaingoak merkatari nahiz herritarrei adi ibiltzeko deia egin die.