Iñaki Irazoki txirrindulari elizondoarrak, joan den asteburuan Murtzian jokatutako Espainiako txapelketetan parte hartu zuen Nafarroako selekzioarekin afizionatu mailan (sub23).
Ekainaren 28an, erlojupeko saioan aritu zen, estatu mailako espezialisten aurka. Hemezortzigarren postua lortu zuen, top10etik 34 segundora sartuz. 21,6 kilometroko erlojupekoa zen Yeclan (Murtzia) eta Irazokik 28 minutu eta 34 segundo behar izan zituen ibilbidea burutzeko (Orduko 45,5 kilometroko banaz bertzeko abiaduran). Biharamunean, errepideko proban aritu zen. Argazkian ageri denez, eguneko ihesaldian sartzea lortu zuen, baina azken partean ezin izan zion eutsi jarri zen erritmo gogorrari.
Iñaki Irazokiren hurrengo helburua Nafarroako erlojupeko txapelketa izanen da, uztailaren 13an Cortesen Cortesen jokatuko dena.Joan den urtean hirugarren izan zen txapelketa honetan eta emaitza hori hobetzen saiatuko da elizondoarra.