Lehenbiziko topaketa hura Anizen egin zen eta Aniz abizena zuten Arabako familiak eman zion hasmenta topaketa honi. Ondoko urtean, 1995.ean, aniztarrak eta Aniz abizena dutenak Ziraukin elkartu ziren, izan ere, han Miren de Aniz izena duen ermita bat bada, eta garai batean Aniz izeneko herri bat ba omen zen: hori dela eta bigarren urteko elkarketa han izan zen. Ordutik goiti bertze herri eta lekuak bisitatu dituzte: Aralar, Kanpezu, Gares, Uxue, Ororbia, Gasteiz... aurten, berriz ere eta seigarren aldiz, Anizen elkartuko dira Araba Gipuzkoa eta Lleidako aniztarrak eta herritarrak.
Urteroko bazkari, kantu, bisita gidatu eta oroigarri banaketaren ondotik, heldu den urtera artio agurtuko dira Anizko herritarrak eta Aniztik kanpoko aniztarrak.