Konpetitzen ari diren txirrindulari gaztetxo baztandar batzuk bertze talde batzuen izenean ari dira: Lekarozko Joritz Barberena eta Beñat Barberena CC Villavés taldean; Iruritako Oier Ibañez eta Oihan Aleman Saltoki taldean mendi bizikletan eta Iruritako Ivan Villoria Ermitagaña taldean, errepidean nahiz mendi bizikletan.
Maiatzaren 18an, Tafallan egin zen errepideko lasterketan garaipena lortu zuen Ivan Villoriak eta zazpigarren izan zen Joritz Barberena. Biharamunean, mendi bizikletan, seigarren izan zen Villoria Deikaztelun. Bosgarren izan zen Oihan Aleman eta gisa horretara, Nafarroako Kirol Jokoetako sailkapen orokorrean duen laugarren postua sendotu zuen. Oier Ibañez hamahirugarren da sailkapen orokorrean.
Ekainaren 2an Iruritan, eskualdeko txirrindulari gaztetxoen topaketa
Maiatzaren 11n Lesakan egin zenaren ondotik, ekainaren 2an Iruritan antolatu dute eskualdeko txirrindulari gaztetxoen topaketa. Hilabeteko lehenbiziko igandean 11:00etan izanen dute hitzordua, eta probaren ondotik, ginkana ere eginen dute.