Jokoak, eskulanak, parekidetasunean hazteko jolasak, tailerrak (birziklatzea, buztin-lanak, antzerkia…), ateraldiak, kirola.. Tarte horietan denetarik egiteko aukera izanen dute neska-mutikoek, eta hori guztia euskaraz. Bide horretatik baitoaz ekimen honen helburuak: udako aisialdiaz gozatzea, euskaraz jolastea, Baztango haurren arteko harremanak euskaraz bultzatzea eta estutzea, Baztango kultura eta natura ezagutzea, haurren garapen pertsonala lantzea eta ingurumenarekiko jarrera positiboak sustatzea. Haur Hezkuntzakoak Lanbide Eskolan eta Lehen Hezkuntzakoak Baztandarren Biltzarreko egoitzan, astelehenetik ortziralera 10:00etatik 13:00etara.
Izen-ematea
Baztanen erroldatutakoek astebeteko txanda 35 euro ordaindu beharko dute eta prezio bera familia ugariek; bi asteko txanda 70 euro (60 euro familia ugariek); hiru asteko txanda 105 euro (85 euro familia ugariek) eta lau asteko txanda 140 euro (110 euro familia ugariek). Baztanen erroldaturik ez daudenak asteko 55 euro ordaindu beharko dute. Beti ere, lehentasuna lau aste egiten dutenek eta Baztanen erroldatutakoek izanen dute.