Baztan futbol taldeko Javier Urrutia izan da 3. mailako golegile nagusia

Baztan futbol taldeak denboraldi ona egin du eta ongi eutsi dio hirugarren mailari. Gainera, ezusteko saria ere izan dute, Javier Urrutia aurrelaria kategoriako golegile nagusia izan baita, ondoan duen Tafallako Peña Sport taldeko Marcos Mendesekin batera. Hogeita zortzina gol sartu dituzte. Azken jardunaldira gol bat gehiagorekin ailegatu zen Tafallakoa, baina larunbatean jokatutako partidan bi gol egin zituen Urrutiak, Txantrearekin kontra berdintzeko (3-3). Igandean, Mendesek ere gol bat egin zuen Peña Sportekin. Hortaz, 28na gol sartu dituzte.