Iñaki Mihura eta Lurdes Oiartzabal nagusitu dira Berroeta-Saioa-Berroeta mendi maratoi erdian

Ttipi-Ttapa 2019ko mai. 21a, 06:45
Deskargatu Info Ahotsak :
Español English Français Català Galego

62 korrikalarik parte hartu zuten igandean, horietatik 9 emakumek

 

Berroeta-Saioa-Berroeta Mendi Maratoi Erdiaren 3. edizioa burutu zen maiatzaren 19an Berroetan. Eguraldia kontra izan arren, izena eman zuten 70 korrikalaritik 62k hartu zuten parte igandean. Beraz, baldintza klimatikoak gora behera, erabat arrakastatsua izan zen. Korrikalariek oztopo guztiak gainditu eta helmugara iritsi ziren herriko plazan bildu zen jende arteko txalo zaparradaren laguntzarekin. 

Lehena heltzen, Arraiozko Iñaki Mihura izan zen (1:48:25) , bigarrena Iñaki Korta azpeitiarra (1:54:48) eta hirugarrena Azpilkuetako Unai Barazabal (1:55:01). Bi ordutik jautsi zuten bakarrak izan ziren.

Parte hartu zuten bederatzi nesken artean lehena, Lezoko Lurdes Oiartzabal izan zen (2:14:35); Urruñako Maud Combarieu bigarren (2:19:51) eta Zizur Nagusiko Maria Loizu hirugarren (2:22:02). Bortz segundorengatik ez zen podiora igo Berako Jone Zelaieta (2:22:07). Bosgarren, Doneztebeko Maider Irazoki izan zen (2:47:12).

Berroetako herriak eta antolakuntzak eskerrak eman nahi dizkie parte hartu zuten guztiei, egun kaskarra izan arren, goiz ikaragarria izan zelako.

Kirola Baztan Berroeta
Erlazionatuak
Sailkapen osoa

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!