Ipar Euskal Herritik ikasteko mintzaldia antolatu du Baztango EHBilduk

Peio Etxeberri-Aintxart EHBaiko bozeramailea izanen da asteazkenean 19:30ean Arizkunenean

Baztango EH Bilduk Ipar Euskal Herritik ikasten mintzaldia antolatu du, zehazki Ipar Euskal Herrian lana, etxebizitza, nekazaritza eta turismo aferak nola lantzen dituzten ikasteko. Horretarako Peio Etxeberri-Aintxart gonbidatu dute, EHBai-ko bozeramailea eta Donibane Lohitzuneko zinegotzia. Gai hauei buruz aunitz aritua da eta horren adibidea, bertzeren artean, Habiter son pays liburua da. Solasaldia maiatzaren 22an izanen da, asteazkenean 19:30ean Elizondoko Arizkunenean.