BKTko entrenatzailearen erranetan, «sari gise bizi izan dugu asteburua eta bihotza betearekin bueltatu gara; zilarrezko mailakoak ez, baina alor humanoan, urrezkoak. Ea heldu den urterako esperientzia pixer bat gehiago irabazi dugun. Gargero aurredenboraldian pentsatzen hasiak gara, hau dae hau gozamena!».
Partidarik irabazi gabe baina maleta esperientziaz betea bueltatu da BKT eskubaloi taldea Bartzelonatik
2019-05-14 18:00
Lehen maila nazionaleko igoera fasea jokatu dute asteburuan
Baztango BKT eskubaloi talde nagusiak lehen maila nazionalera igotzeko fasea jokatu du asteburu honetan Bartzelonan. Ainhoa Astiz entrenatzaileak aipatu digunez, «hiru partidak banaz bertze dozena bat golez galdu ditugun arren, ikaragarri kontent bueltatu gara! Kriston esperientzia izan da eta argi eta garbi, bertze maila batean zeuden aurkari gehienak. Beraz, haietaz gozatu eta plazer bat izan da maila horretako hiru partida jokatzeko aukera izatea».
TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.
Izan zaitez harpidedun