Txartelak maiatzaren 12ra arte erosi ahal izanen dira 30 eurotan
Herriko gazteek antolatuta, asteburu kulturala izanen dute maiatzean Gartzainen. Hilaren 18an, larunbatean, bertso-afaria izanen dute, 21:00 aldera, herriko elkartean (60 lagun baino gehiago izanez gero elkartearen goitiko solairuan eginen lukete).
Sebastian Lizaso eta Iker Zubeldiaren doinu eta hitzen bueltan bilduko dira bertsozaleak. Txartelak maiatzaren 12ra arte erosi ahal izanen dira, 30 eurotan, Frantsene ostatuan edo Saioari deituz (620 58 33 48).
Ortziralean mus-txapelketa izanen dute
Maiatzaren 17an, ortziralean, berriz, mus-txapelketa izanen dute 19:30ean. Parte hartzeko Andoniri (620 58 33 48) edo Saioari (608 64 24 50) deituz eman daiteke izena.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.