Musikarien gisara
Artisautzatik bizi daitekeen galdetuta, musikariak ditu gogoan Intxaustik. «Batzuek musikatik bizitzea lortzen dute eta bertzeek ez; artisautzan gauza bera gertatzen da. Bizi daiteke, baina lortzen dutenen portzentajea ez da altua». Bera, ordea, kontent dabil egiten duena eginez, «jendearekin sozializatzea, turismoa egitea eta ekonomia» eskaintzen diolako bere lanak. Argitsu elkarteak ere ba omen du zerikusia gustura sentitzearekin: «Argitsu erditze bat izan da niretzat eta nire beharrak aunitzez ere gehiago asetzen ditu. Gustuko dudana egitea beharrezkoa dela iruditzen zait eta horretarako aukera eskaintzen dit elkarteak».