Rubik kubo desberdinen lehiaketa ortziralean eta larunbatean izanen da Arizkunenean
Ezohiko jarduera batekin gozatzeko aukera izanen dute apirilaren 19 eta 20an, ortziralean eta larunbatean Elizondoko Arizkunenea Kultur Etxean. Rubik kubo ezagunaren aldaerak nork azkarrago akitu lehiatuko dira hainbat aditu. Jukimods Baztan Open 2019 lehiaketan estatu espainiarreko aditu onenak bilduko dira, hainbat modalitatetan lehiatzeko. Ainara Aldako eta Julio Perugorria, Jukimods taldeko kide elizondarrek antolatu dute hitzordua.
Biak han eta hemengo lehiaketetan parte hartzen aritzen dira, eta orain, lehenbiziko aldiz Baztanen antolatu dute gisa honetako txapelketa.
Ortziralean eta larunbatean, egun osoz, sarrera doan dela, Arizkunenean hitzordu berezia izanen da. 2x2x2, 3x3x3, skewb kuboa eta bertzelako kubo bereziak nork azkarrago ebatzi, hori da kontua. Guztira hamaika modalitate izanen dira, zein baino zein ikusgarriago.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.