Meliton estudiotik jakinarazi dutenez, eskualdeko aktoreak bilatzen dituzte, landa kulturarekin (abeltzainak, nekazariak, sukaldariak, dantzariak, herri kirolariak, eskulangileak…) zerikusia duten profilak dituztenak.
Apirilaren 4an Iruñean
Casting-aren bigarren zatia apirilaren 4an, ortzegunean 11:00etatik 14:00etara eta 17:00etatik 19:30era eginen dute Iruñeko Tres Reyes hoteleko Roncesvalles aretoan. Kasu honetan, Nafarroako aktoreak edo aktore izan nahi dutenak bilatzen dituzte.
Meliton estudioetatik ohartarazi dutenez, ez da diru ordainik izanen filma labur hauetan parte hartzeagatik, filma hauen helburua formakuntza baita. Hain zuzen, Asghar Farhadik eskainiko duen tailerrerako 40 lekuak bete dira eta Espainia, Italia, Portugal, Grezia, Lituania, Iran, Zeelanda Berria, Estatu Batuak, Kanada, Peru, Argentina, Elkuador, Kuba eta Errepublika Dominikarreko profesionalak espero dituzte.