Aurten ere bide beretik segitzeko asmoa dute, Malerrekan, Sunbillan eta Lesakan. CC Baztandarra txirrindulari elkarteak ere, 6 eta 14 urte bitarteko neska-mutikoei zuzendutako txirrindularitza eskola ere landu nahi du. Apiriletik ekainera Lekarozko ikastetxean elkartuko dira, asteartetan, teknika ikasteko eta mendi bizikletarekin konfidantza hartzeko helburuarekin.
Egitasmo honen berri emateko eta entrenatzaileak zein izanen diren ezagutzeko, gurasoak bilera batera deitu dituzte martxoaren 29an, ortziralean 19:00etan Elizondoko Arizkunenea Kultur Etxean. Interesatuak CC Baztandarrarekin harremanean jar daitezke (ccbaztandarra@gmail.com helbide elektronikora idatziz).