Martxoaren 23an jokatu ziren Elizondoko Antxitonea trinketeko paleta goma txapelketako finalak. Lehen mailan, Josetxo Huarte arizkundarrak eta Unai Apeztegia aurtiztarrak 40-20 irabazi zieten finalean Aitor Jaen elizondarrari eta Joseba Oskariz arizkundarrari. Bigarren mailan, Narbarteko Albiasuk eta Elizondoko Oterok 40-31 irabazi zieten Anizko Iantziri eta Berroetako Gamiori. 50 pilotari inguruk parte hartu dute eta, beti bezala, trinketean egindako bazkari dotorearekin eta bestarekin akitu dute txapelketa.